2023 წლის პირველი კვარტლის შეჯამება

2023 წლის პირველ კვარტალში, საქართველოს აეროპორტების მგზავრთნაკადმა პანდემიამდელ ნიშნულს გადააჭარბა. სამოქალაქო ავიაციის სააგენტოს მონაცემებით, 2023 წლის პირველ სამ თვეში, საქართველოს აეროპორტები 1,046,558 მგზავრს მოემსახურა, რაც 50%-ით აღემატება 2022 წლის ანალოგიურ პერიოდში გადაყვანილი მგზავრების რაოდენობას, ხოლო 2019 წელთან მიმართებაში ეს 3%-იანი ზრდაა.

2023 წლის იანვარი-მარტის მონაცემებით, თბილისის საერთაშორისო აეროპორტი 713,660 მგზავრს მოემსახურა. ზრდა 2022 წლის ანალოგიურ პერიოდთან შედარებით 41%-ს შეადგენს. ამასთან, აეროპორტი 89%-ით დაუბრუნდა 2019 წლის ამავე პერიოდის რაოდენობრივ მაჩვენებელს.

ქუთაისის საერთაშორისო აეროპორტის მეშვეობით გადაყვანილ იქნა 253,073 მგზავრი. ზრდა 2022 წლის პირველ კარტალთან შედარებით 108%-ს შეადგენს, ხოლო 2019 წელთან შედარებით 61%-ს. რაც შეეხება ბათუმის საერთაშორისო აეროპორტს, ის მოემსახურა 77,077 მგზავრს, რაც 2022 წლის პირველ კვარტალთან შედარებით 13% ზრდაა, ხოლო 2019 წელთან მიმართებაში 49%-იანი.

მგზავრთნაკადის ზრდის დადებითი დინამიკა ფიქსირდება ადგილობრივი დანიშნულების აეროპორტებშიც. მესტია 2023 წლის პირველი სამი თვის მონაცემებით 2,494 მგზავრს მოემსახურა, რაც 9%-ით მეტია 2022 წლის ანალოგიურ პერიოდთან მიმართებაში. ხოლო ამბროლაურის აეროპორტმა მიიღო 254 მგზავრი, რაც 49%-ით ნაკლებია 2022 წელთან მიმართებაში, თუმცა 30%-ით მეტია 2019 წლის ანალოგიურ პერიოდთან შედარებით.

2023 წლის პირველ კვარტალში, საქართველოს აეროპორტებში ჯამში 4,839 რეისი განხორციელდა. აქედან რეგულარული რეისების რაოდენობა შეადგენდა 3,802-ს, ხოლო ჩარტერების – 1,037-ს. 2022 წლის ანალოგიურ პერიოდში განხორციელებული ფრენების რაოდენობასთან შედარებით, რეისების რაოდენობა 22%-ით გაიზარდა, ხოლო 2019 წლის ამავე პერიოდთან მიმართებაში, აღდგენის მაჩვენებელი 93%-ს შეადგენს.

საქართველოს საერთაშორისო აეროპორტებში მგზავრთა ნაკადის სტატისტიკა, 2014 – 2023 (3 თვე):